ڤيرس كورونا..

أكيد دلوقت الناس عملتلك البحر طحينة ووباء هيفني البشرية وخد بالك من نفسك زي اشتغالة الحرب العالمية اللي كانت منتشرة من فترة دي وطلعت زيطة وخدوا كام لايك ومات الموضوع، اهو دا زيهم بردو..
بص هو الأول الطبيعة الجغرافية والچيولوچية للصين، مع عدد سكانها الضخم جداً، خلى السكان يدوروا في كل مكان ممكن تتخيله على مصدر للطعام، وفي حين إنت وانا بندور عالمذاق الجيد، هما غصب عنهم كانوا مضطرين يجروا ورا القيمة الغذائية للطعام اكثر من طعمه وريحته، وعشان كده مفيش حاجة ممكن تخطر على بال بشر، الا وتلاقي الصينين بياكلوها بداية من كل أنواع الحشرات اللي منها سام حتى وحتى الزواحف والطيور وجميع انواع الحيوانات والاسماك حتى السام منها بردو وكل أنواع النباتات و الأعشاب وحتى روث الحيوانات ونهاية بالاجنة البشرية.. الصينين مشهورين باكلهم اجنة الحيوانات والبشر ودا لا يخفى عليهم وبيبرروا دا بأنهم بيبحثوا عن القيمة الغذائية.
عالجانب الأخر، كانت ولازالت الصين منبع لڤيروسات خطيرة جداً وامراض نشأت منها عن طريق تناولهم للاطعمة الغريبة دي! وآخرهم هو فيرس كروونا اللي العلماء بيرجحوا إنه بدأ من الثعابين وبعدين انتقل للخفافيش عن طريق الأكل، ومنه للبشر عن طريق شوربة الخفافيش اللي مشهورة بيها مقاطعة ووهان في الصين.. ودا يفسرلك ليه الصينين متعودين على لبس كمامات، بالاضافة للتلوث فهو كمان عشان عندهم امراض كتير بتنتقل في الهواء.
فيرس كورونا دا مش خطير زي ما في بالك، هو ظهر قبل كده آكتر من مره واخرهم كانت جمبنا في السعودية هنا نتيجة أكل جمال خاملة للفيرس، وانتهى الموضوع في 2012 عادي ومكنش أزمة.
انا شرحتلك قبل كده فيرس سارس، اهو كورونا بقى ابن عمه.. فيرس انتقل من الحيوانات وللأسف دلوقت بقى ينتقل للبشر عن طريق الأكل وكمان بقى ينتقل بين البشر عن طريق رذاذ الفم من الكلام والتنفس (عن طريق الهوا يعني).
أعراض الفيرس زي البرد العادي خالص.. اه والله سيلان انف واحمرار ومشاكل في التنفس وعطس والكلام دا، ومش خطيرة ومش هتفني البشرية لا.. طب اومال ال18 واحد اللي ماتوا جول إيه!
الفيرس ملوش حل يقدر يعالجه زي البرد العادي، هو بيروح لوحده بفعل مناعة الجسم زي البرد العادي بالظبط، لكن بالنسبة للأطفال وكبار السن، فمناعتهم ضعيفة على إنها تقدر تتغلب عليه فللاسف بيموت وقد يكون عنده بالفعل مشاكل تانية في الجهاز المناعي مخلياه ضعيف.. فمتقلقش وتخلي ناس تكبرلك الدنيا.
في حوالي 500 شخص اصيبوا بكورونا من ساعة ماتم الاعلان عنه من كام يوم في الصين ومات منهم 18 بسبب ضعف جهازهم المناعي.. الأطباء هناك عزلوا المنطقة المصابة وماشيين في اجرائتهم الطبيعية في احتواءه زي اي فيرس تاني..
وتاني ماتخافش، فيرس سارس اللي الدنيا اتقلبت عليه، مامتش غير 10٪ فقط من المصابين بيه، فمش عشان حد اتصاب بيه، معناه هيموت.
العلماء هناك بس خايفين انه ينتشر، ومن التنقل من شخص للتاني، يتطور لشكل تاني اقوى فيبسبب ضرر تاني اقوى من مجرد شوية برد، لكنهم ناجحين بالفعل في احتواءه ومفيش قلق كبير من دا.
زي ماقولتلك الموضوع مش كبير لدرجة يعمل قلق، ولو جالك ماتخافش مش هتموت، وبدليل انه كلن جمبنا هنا ومحسيناش بيه يعني.
بس يارب الصين بس تبطل الأكل المقرف بتاعها دا..

اليد الخفيه وراء مرض كرونا في مصر و العالم

رأي شخصي..
مش عارف ليه بصراحة حاسس إنه في سبب ما وراء الأفورة الغير طبيعية اللي معمولة حوالين فيرس كورونا دي.. مش موضوع نظرية مؤامرة خلاص ولا الكلام الأهبل دا، بس حقيقي موضوع كورونا واخد ضجة في الميديا العالمية بشكل غير طبيعي وكأنه فعلا في يد ما خفية وراء الموضوع.

معرفش قد يكون ايه السبب وراء دا الحقيقة وقد يكون شركات أدوية عالمية زي كل مرة وقد يكون لخدمة غرض ما سياسي أو أو، بس هو الحقيقة واخد أكبر من حجمه جدا.
يعني لك أن تتخيل إنه مثلا حاجة زي الاسهال، بتقتل سنويا حوالي 2.2 مليون شخص! اه والله كل سنة بيموت العدد دا من الناس بسبب الإسهال وماشوفناش الموضوع واخد ولو حيز بسيط من الكلام.
البرد.. البرد العادي اللي بيجيلنا كلنا دا، حسب منظمة الصحة فهو بيقتل سنويا من 300 لـ600 ألف شخص! ومابنشوفش الكلام دا عنه خالص! وشوف السكر والضغط والفيروسات التانية بتقتل سنويا اضعاف أضعاف أضعاف اللي بيقتله كورونا، وماشوفناش عنها اي ضجة في أي مكان.
تعالى بقى لكورونا، فالتقرير اللي تحت دا من منظمة الصحة العالمية من كام ساعة وهو تقرير يومي، بيقولك انه المصابين في العالم 82.700.. عدد الموتى 2.800 وعدد الناس الي جلها الفيرس واتعالجت منها 33.300..
فيرس نسبة الوفيات بتاعه حوالي 2% ودا بالنسبة للفيروسات رقم تافه جدا، وفيرس غير قاتل، يعني لو اصبت بيه ومعملتش اي حاجة، مناعتك هتتكفل بيه وتقضي عليه لوحدها بدون اي ادوية، حوالي 90% من موتى نتيجته ناس تجاوزت ال80 سنة وبالتالي مناعتهم الجسدية ضعيفة وهيحصلهم كده من اي فيرس مش كورونا بس.. ومش بقول إنه دا شيء هين، ولكنه بالنسبة للطبيعي بتاع الفيروسات هين فعلا.
عمرك شوفت قبل كده كل مرض بيظهر في العالم، بيقعدوا يهتموا ظهر اتنين او تلاتة في الدولة الفلانية وواحد في العلانية! لا كان بيعدي عادي ويتعالج، بس اشمعنى الموضوع كبير مع كورونا كده! اشمعنى الاهتمام المبالغ فيه دا والغير مبرر!
في حاجة مش طبيعية في الموضوع والله واهتمام وتهويل غير مبررين عالاطلاق وفي يد خفية ورا الموضوع دا بتظهره اكتر وتشد الانظار ليه لخدمة غرض سياسي او تربحي مادي وهنشوف في الاخر.
ملحوظة:
أنا مش بقول إنهم مايهتموش في حصر او مايعملوش حجر صحي لا.. بس جميع دول العالم بيحصل فيها اوبئة تنتشر وبيتعمل حجر صحي وبتكون اكثر فتكا واكثر انتشارا، والاعلام مقررش يتكلم غير على كورونا.

 Tawfiq Mahmoud